Түркия Республикасы Мәдениет және туризм министрлігі және TGA (Түркия туризм таныту және дамыту агенттігі) ұйымдастыруымен бір топ журналист Түркияның Ыстамбұл қаласына сапар шекті, деп хабарлайды El.kz ақпарат агенттігі.
![](https://baqinfo.kz/wp-content/uploads/2024/01/IMG-20240120-WA0091.jpg)
Қазақстаннан бөлек Әзербайжан, Қазақстан және Өзбекстаннан келген журналистер тобы үш күн бойы тарихи шаһардың көрікті жерлерін аралап, елдің туризм саласындағы артықшылықтары мен ерекшеліктері жайлы жан-жақты мәлімет алмақ. Ал елімізбен киелі мекенге El.kz ақпарат агенттігінің тілшісі мен 24.kz телеарнасының өкілдері аттанды.
![](https://baqinfo.kz/wp-content/uploads/2024/01/IMG-20240120-WA0089.jpg)
Ал гид Беркан Ташанның сөзіне қарағанда, бұл сапардың басты мақсаты түркітілдес елдердің тілшілеріне Түркия, соның ішінде Ыстамбұл туралы мейлінше кеңірек мағлұмат беру.
![](https://baqinfo.kz/wp-content/uploads/2024/01/IMG-20240120-WA0095.jpg)
Бұл сапар барысында мәдениет пен тарих, сондай-ақ туризмнің әртүрлі салаларына, сән, сауда, сауықтыру әлеміне бойлайтын боламыз. Түркияның әр өңірінің өз ерекшелігі бар. Мысалы, кей қалалар сауда-саттықпен айналысса, кейбірінің артықшылығы – асханасында. Енді бірі мәдениеті және тарихымен назар аудартады, — деді ол.
![](https://baqinfo.kz/wp-content/uploads/2024/01/IMG-20240120-WA0092.jpg)
Ал Әзербайжаннан келген Redaktor.az сайтының бас редакторы Акил Аслан мұндай іс-шаралардың мәні зор екендігін алға тартады. Себебі ол осы арқылы түркітілдес халықтардың байланысы артады деп санайды.
![](https://baqinfo.kz/wp-content/uploads/2024/01/IMG-20240120-WA0094.jpg)
Өзім Түркияның талай аймағында болдым. Бірақ Ыстамбұлдың орны бөлек. Сондықтан да Ыстамбұл түркітілдес журналистердің басын қосқанына қуанып отырмын. Осынау ерекше мекенде Түркияның ғана емес, бір-біріміздің мәдениетімізді, тілімізді, тарихымызды тани түсеміз. Бізде ортақ дүние көп, сол үшін де Тұран одағын құрудың маңызы орасан. Сонда үлкен күш боламыз, — деді ол.
![](https://baqinfo.kz/wp-content/uploads/2024/01/IMG-20240120-WA0093.jpg)
Қалай болғанда бұл сапардың түркі халқына ортақ дүниелерді тани түсуімізге септігі мол болары анық.
![](https://baqinfo.kz/wp-content/uploads/2024/01/IMG-20240120-WA0090.jpg)
Түркия жайлы толық ақпаратты www.goturkiye.com сайтынан біле аласыздар.