Шәкен Айманов атындағы «Қазақфильм» ҰК АҚ ұсынатын «Здравствуй, добрый человек!» киножобасы.

Шәкен Айманов атындағы «Қазақфильм» ҰК АҚ «Здравствуй, добрый человек!» деректі киножобасы өндірісінің негізгі кезеңдерінің аяқталғанын хабарлайды.

«Здравствуй, добрый человек!» – саналы ғұмырын петроглифтерді зерттеуге арнаған көрнекті геолог әрі ғалым Алан Медоев туралы хикая. Оның ғылыми еңбектері Семізбұға, Шақпақ ата, Құмақапе, Құдайкөл, Қарасор сияқты мәдениетіміздің тарихи ескерткіштеріне арналған. Ол өзінің зерттеулерін 29 ғылыми мақаласы мен монографиясында және 9 геологиялық есебінде сипаттаған. Алан Медоевтың өміріндегі бұлжымас миссиясы – қазақ халқының тарихын, мәдениеті мен дәстүрлерін сақтау.

Киножоба өндірісін Қазақстан Республикасы Мәдениет және ақпарат министрлігінің тапсырысы бойынша Ұлттық киноны қолдау мемлекеттік орталығының қолдауымен Ш. Айманов атындағы «Қазақфильм» ҰК АҚ жүзеге асырып жатыр. Түсірілім қоюшы режиссер Т. Р. Итеновтың жетекшілігімен, кәсіби түсірілім тобының қатысуымен жүргізілуде.

Біз журналистер мен БАҚ өкілдерін киножобамызға қосылуға және киножоба тарихымен оқырмандарыңызбен әрі көрермендеріңізбен бөлісуге шақырамыз. Қосымша ақпаратты, жобаға қатысушылардан алынған сұхбатты немесе материалдарды көру үшін төмендегі байланыс нөмірлері арқылы бізге хабарласыңыздар.

«Здравствуй, добрый человек!» киножобасы көрнекті ғалымның қызықты портреті ғана емес, сонымен қатар Қазақстанның мәдени мұрасын сақтауға жасаған маңызды қадам болмақшы. Алан Медоевтың хикаясы мен оның Қазақстанның мәдени мұрасын сақтауға қосқан үлесіне назар аударып, лайықты қолдау көрсетеді деген сенімдеміз.

 Біздің киножобамызға қызығушылық танытқаныңыз үшін алғыс айтамыз әрі ынтымақтастықта жұмыс істеуге дайынбыз. Тарих пен ғылымның қызықты әлеміне саяхаттау үшін фильмнің шығарылымы туралы жаңалықтарды бақылап отырыңыз.

БАҚ үшін байланыс ақпараты:

Қоғаммен байланыс жөніндегі маман Гуртовенко Ольга

+77477243279

Құрметпен,

Атқарушы продюсер Норкин Виталий Геннадьевич