Сарыағаш ауданы Құркелес ауылдық округі Ақниет елді мекеніндегі «Ардагерлер саябағында» «7- мамыр Отан қорғаушылар күні» және «9-мамыр Ұлы Жеңістің 77 жылдығы» мерекелері кең көлемде аталып өтілді.
![](https://baqinfo.kz/wp-content/uploads/2022/05/279828031_1424665191284763_4278613954452274181_n-1-1024x678.jpg)
Мерекелік іс-шараға жиналғандар Ұлы Отан соғысы құрбандарына арналған ескерткішке гүл шоқтарын қойып, майдангерлер рухына құран бағыштады.
![](https://baqinfo.kz/wp-content/uploads/2022/05/279782791_1424665141284768_6772104445087224008_n-1024x678.jpg)
Мерекелік іс-шараға Құркелес ауылдық округінің әкімі Қ.Иматов, аудандық мәслихат депутаты Ә.Керімбекова және Құркелес ауылдық округінің «Ардагерлер кеңесінің» төрағасы Е.Алтаев, тыл ардагерлері, ел ағалары, ақсақалдар арнайы қатысты.
![](https://baqinfo.kz/wp-content/uploads/2022/05/279808475_1424665747951374_1918697233828298632_n-1024x678.jpg)
Құркелес ауылдық округінің әкімі Қ.Иматов ардагерлерді мерекемен құттықтап, адамзат тарихындағы ең жойқын соғыстағы жеңісте біздің ата-бабаларымыздың жасаған ерлігі қашанда болашақ ұрпақтың жадында жаңғырып тұратындығын атап өтті.
![](https://baqinfo.kz/wp-content/uploads/2022/05/279790969_1424667497951199_6282108038995631026_n-1024x678.jpg)
Іс-шарада ауылдық округтің мәдениет үйі өнерпаздарының патриоттық әндері шырқалды.Шара соңында ауыл әкімінің ұйымдастыруымен мерекелік дастарған жайылып, тыл ардагерлеріне, ауған соғысы ардагерлеріне және ел ағаларына ас берілді.
![](https://baqinfo.kz/wp-content/uploads/2022/05/279879635_1424665961284686_7079613207331649557_n-1024x678.jpg)
![](https://baqinfo.kz/wp-content/uploads/2022/05/279825927_1424665831284699_414320958754098505_n-1024x678.jpg)